𝐌𝐢 𝐗𝐢𝐚𝐨 𝐑𝐚𝐧 𝐒𝐡𝐨𝐮 𝐒𝐢🍣

// #guangzhou 米小燃壽司堂 一間以中式壽司為主題嘅餐廳 係咪以為佢會好似「明將」咁 整好多驚世嘅暗黑料理呢？ 嗱 你咁諗就錯啦！雖然款式的確比較新穎、特別 但真係超好味 我敢肯定老闆係有試過先至推出 因為有85%嘅味道都𝘱𝘦𝘳𝘧𝘦𝘤𝘵 𝘮𝘢𝘵𝘤𝘩 我每次返廣州 必定至少會食一次 誠意推介以下款式 🔻鵝肝壽司 油份充足 𝘤𝘳𝘦𝘢𝘮𝘺 燒完之後味道更香濃 咬落去即爆油 而且入口即化 唔腥 🔻毛肚壽司 黑毛肚𝘴𝘪𝘻𝘦超大 質感爽脆、新鮮 以涼拌方式製成 而佢嘅靈魂配料：蒜、蔥同麻辣油都調配得啱啱好 🔻腦花壽司 食入口嗰種軟滑、綿密 就好似豆腐花咁 調味堅出色 帶微微香辣 一啲都唔腥 完全改變咗對豬腦嘅感覺 雖然最初係有少少心理障礙 不過而家去親都必點 🔻生蠔壽司 生蠔肥美 經火炙後仍保持到鮮嫩嘅質感 同時亦增添一份焦香嘅味道 🔻三文魚刺身 厚切 大片 油脂唔錯 不過佢實在太厚 反而好快食膩 兩至三個人𝘴𝘩𝘢𝘳𝘦會比較合適 🔻提燈手卷 揸住佢打卡嗰陣 見佢塊金䱽魚滴緊油 已經流晒口水 跟住咬落去 嗰兩粒提燈仲即刻 卟一聲爆漿 當濃郁嘅蛋汁同香濃嘅魚油 兩者不停互相交融 再加上脆卜卜嘅蟹籽、青瓜絲嘅夾擊之下 無論口感定味道都難以形容 只可以話係超級、超級好食 🔻冰皮榴槤壽司 類似榴槤糯米飯嗰種 只不過係用咗壽司飯嚟做 榴槤多肉夠晒香 冰皮甜而不膩 係款唔錯嘅飯後甜品 🔻壽司飯 望住佢係手握出嚟 夾落去亦唔會散 食起嚟帶點煙靭 醋香味唔會太勁 ꕀ @米小燃壽司堂 ꕀ #廣州#天河區#金潤大廈#米小燃壽司堂#中式壽司#廣州美食#美食推介#旅遊推介#廣州美食 🪴有興趣可以follow我嘅IG：Aria___.k https://instagram.com/aria___.k?igshid=OGQ5ZDc2ODk2ZA%3D%3D&utm_s